(徇眾要求,再次再次打格重POST)

立法會外,在「撐普選」陣地的一角,我和兩位時代雜誌(TIME)女記者,訪問了一位「支持普選方案」,又略懂英文的男士。我作為翻譯,把對話以中文記錄下來。

女記者:「你今日嚟嘅目的係咩?」

男士:「撐政府!撐政改!」

女記者單刀直入地問:「大會有無話比錢你?」

「嘩,唔好咁大聲....(Don't say that!)」男士面露無奈。

「咁即係有?」女記者追問。

他手握紅帽,細聲回答:「其實呢...我都係聽搞手(Leader)講,過嚟呢度... 佢地話會比錢我。」

兩位女記者驚訝的記錄每一句。

「其實呢度五成人都收咗錢,好多呀婆,家庭主婦...都有好多係大陸人。」

「咁啲錢袋咗未?」女記者追問。

「唉!未架,我都係信搞手咋。」他回答。

此時大批「撐政改」隊伍湧入會場。

該男士細細聲説:「我肯同你哋咁講,因為我都好嚮往你哋美國嘅自由... 我自己喺大陸有小生意,搞手叫到,今日唯有成團人嚟啦。」

(男士不肯透露來自哪個團體,我特意打格,尊重受訪者)

立法會外
六月十七日 7:30PM

馬丁 Martin Witness facebook 專頁

Share On
Dislike
1
謎米博客     馬丁 Martin Witness     馬丁     政改

發表評論